為左某D人，我連圖都下收了

要概括既話，有D時候我覺得佢有達到GOTY既高度，不過太正確加上其他因素反而冇機會GOTY
哩隻GAME是比心入面有正義既人玩既

想講，其實overall個game既體驗唔算好好，好多野沿用返一直以來既系統，做左既改動有好有壞，總之有D可玩性，又唔係特別驚喜，令人煩燥既地方一直都有。

不過我仍然覺得，點解有人敢寫，唔怪得要開個新IP，但哩個標題邊個諗的？就算演出上仍然係傳統日式JRPG，我覺得佢思想內核已經完勝傳統RPG既範疇，點解可以係一隻GAME入面講咁既大實話

純感想紀錄返，好多個人主觀既comment

想講我第一次終於有個唔會再覆蓋既save係係60個鐘左右位置，前面冇乜令我留戀既劇情(lmao 不過有D時候個氛圍、音樂同配音會令我諗起企鵝罐

而且今次個battle系統令我玩得好痛苦，我好唔擅長Hit and run，action部份真係好難頂，每次比怪先手就好易係行動之前已經wipe左半條team，個penalty真係好誇張，仲要action部份係depends on你當時升緊咩職，我拎住支短杖係度敲怪勁智障，聖堂有個位勁撚多條狼真係好撚癲，唔不斷HIT佢條break就會回返，又有3~4條狼輪流有bite既動作衝過黎要不斷閃，玩到我勁嬲Lol

結果戰鬥唔係我無雙就係對面開無雙，成件事感覺好差，D人講話beginning先係hardest part，明明係回合制game，action難到fk，入到回合制就勁易玩，哩個係design問題，除非你覺得人類係要學識無傷哩樣野！講返又講，我同認識既人討論完，我話軌跡唔係都係背面敲一下就入戰鬥咩，佢話唔係，而家最新果D都要敲幾下，我只好OK fine原來係趨勢黎。另外仲有一個好creepy既位，我見過人不斷打到隻怪訓低可以入回合，但佢keep住打，隻怪起身又繼續敲到break，repeat勁撚多次之後磨死左隻怪Lol，所以哩隻game dungeon部份可以skip晒回合內容純action Lol

不過今次行動數->weak變細額外多一次小行動個設計幾好可玩性，可以選擇用weak去max行動或者冇weak時用黎skip一個成員行動，可以做到既野就flexible左好多，搭埋佢部份技/道具，我覺得後期打boss時幾好玩！雖然reflect/miss既penalty真係好不合常理，不過相反我都可以因為咁受益，我就當佢係玩法之一吧...

妖精都煩撚到仆街兼成日水我打唔重要既野，打完A先打到B，然後又有C同D係度保護A，跟佢講就要全部打晒，結果我直接打B仲快，我當時覺得有乜可能，所以辛苦跟佢講打完再Load file入去試多次，結果就係妖精真係水緊我，唔知打得咁辛苦為咩，真係thx。尤其當你條team比人打到殘廢既時候佢真係好煩好煩，係咁話有冇人可以救下，我睇唔到有人訓低左咩，我唔夠行動救呀dllm，仲教我落奇怪既野落料理到，不過有人話好過P5 Mona，我er OK咁我又唔係憎佢，係嫌佢有D時候真係好煩

仲有好多野想屌，決定跟timeline屌晒先，寫既時候聽埋ost佢，佢既覺醒曲配合舞台風格好撚正Metaphor: ReFantazio - Full Original Soundtrack

隻game既skill tree好癡線，其實今次可以任修係幾正，自己夾comp，但佢最好有個reset比你，後面入隊幾個根本唔夠mag升多幾個職玩，尤其前面養果幾隻消耗都幾高下。

我真係好撚想吐槽佢D升級條件，根本唔合理，劍士升上去要做左軍師先做到武士，騎士個skill set成個坦咁佢居然expect你去修法師，有冇搞錯，跟佢職業開放既時序黎講，一隻咁坦得既角色正常都會比佢修埋武僧啦，話晒武僧都係越高血越好既機體，但佢居然係要隻角色修脆皮魔法，比後面轉職做魔法騎士，真係癡撚線，後面盜賊要做埋商人算合理，我諗住都support役啦，修埋道化師比佢，結果個升級條件係要做gunner，一個行速度既盜賊要修槍炮師？？？？？？哩棵樹勁撚唔合理CLS，羽伊要修既職多到癡線，唔知點解軍師又關佢事。我唔係理解唔到，但我覺得好唔夾大家平日對哩D職業既認知Lol

不過覺得最後開召喚同狂戰士鋪排幾好，加埋狂戰士既concept終於真係有返策略既感覺，唔係既話騎士既用途其實唔係好突出，雖然我最後係用strohl+dancer做主力，意思係職業特點design左出來，但apply落戰鬥到其實唔太實用同埋起動耐/花費行動多，佢戰鬥個難度適合speedrun多過慢慢策略正攻

到哩家我都係覺得前期劇情好謎，同我後面對佢既評價好衝突，的確玩左超過一半後真正再實行刺殺，哩隻GAME先真正開始起飛上去。

試玩開始已經同...吐槽過，明明係去當眾執行刺殺，不論成功失敗都係係眾目睽睽下，點解可以咁自信同個囡講夜晚就會返黎，同後面相比，試玩階段其實冇咩驚喜仲好扣分，由最開始，到玩到中段，我都覺得我玩緊隻縫合緊大量FF14入去既縫合GAME。就咁睇有精靈、龍族、人、獸族、仲有被歧視的肥(艾爾達)...種族特徵好微細，保持晒人形，行入主城我覺得好似去左海都，跑下劇情會有海媽(天音)同你講野，去到後面仲有吉田彈歌比你聽，我第一次見到詩人真係覺得CLS，後面仲要有堆5.0+6.0要素，勁撚出戲，好認真我玩其他jrpg係唔會瘋狂refer返14架，佢真係比我咁既感受。

就算佢想強調種族不平等，但委託任我接，教堂又入得，名店都照比我買野...除左路人得閒爆句diu有艾爾達之外我冇乜被歧視既感覺。當時入到哩個奇幻風世界，覺得王之魔法好撚癲，明明話係魔幻背景，居然有咁自動收集民意既系統，超前過我地the 4th wall好多wor. 一邊好詭異既design但又咁正氣既"魔法"，仲要係鋪頭遇到個入世未深既妹妹就已經係擁有萬中無一英雄特質既人...

當時真係覺得好微妙，好多野表達得好膚淺，好輕易就分正邪，角色講野又畫出腸冇乜深度，dungeonD畫同雕像interact完又冇咩內容。之後又有景點又失落文明咁，要素多到唔知做乜，有時會有D好尷尬既日式詼諧，奇怪的監房design，遇到新角時聽到心音但之後冇再用過，好多好奇怪既元素...

同我而家爆左機既心境好衝突，中間發生左咩事到底，我開左濾鏡呀

我前段玩得好辛苦其中一個原因就係dev既價值觀同我好似永遠唔同，講真，我成日係羈絆對話揀錯低mag choice，或者佢比左個option我，我諗完揀左，結果個角色講出黎既interpretation原來同我以為的唔同 ... 第2個大城係我覺得最唔合理既地方，令我覺得哩隻Game好多野都係「要畫面靚」...，

Strohl認為佢地要突圍就要拎件"案件"去競技會度引起大眾注意，所以事件冇係領地了結，而係要領主自行去競技會自首，結果領主終於醒覺+自省完既結局就係即時被當眾審判處死，咁樣既退場，真係好咩...我唔係覺得佢唔該死，但你換左個地方比佢死得咁唔體面，佢死前又冇對民眾表達到佢對舊觀念既憤慨，咁安排法，邊度死都係冇分別，到底影響到D咩，就係為左果一下既「畫面」...好似心入面有個scene，然後夾硬將D野兜落去，成件事就會覺得好怪，個流向好唔合理

更唔洗講之後潛入鐵戰駒果段，真心問號，明明咁多道中BOSS打，保安咁嚴密，最後全部都搵個理由比你過(唔想比人知打輸etc...)，咁都唔係為劇情服務係咩...唔洗自己殺人，要死既人有人會代出手，仲有D唔知玩緊咩既mini game(係我講緊左右左右冇得跳果段)，再後面見到活祭品劇情覺得真係老土到頂唔緊，出面D族人成日同我講佢地過得有幾慘，今時今日仲信活祭品文化抵你地比人排外...我後悔花左時間同佢地練包容力...

冷靜少少講返，雖然好多位令人想吐槽，但同時有D位真係做得唔錯同印象好深刻，由Junah劇情開始有感，我好鐘意佢個性，雖然有D自說自話，但一直好清楚自己做緊咩，第一次見佢"再現"Archetype真係好正，覺醒scene同佢好合襯......果時真係踊り子最強！踊り子最強！既感覺(CC打太多)，職業design都好有趣！(tho面具唔係太實用)観る「メタファー：リファンタジオ」Part5「歌姫と飛行戦車」【ストーリー プレイ動画】【ネタバレあり】...結果Nidia哩個種族明明睇落最似"人類"，但深掘係最有趣的，閃亮既眼同"偽裝"，睇完要收返最開頭種族一眼睇晒好無聊哩個講法 (另外同種族某人個羈絆好似個joke，唔想講)

同時哩段開始我好鐘意Fidelio哩個角色，好敏銳又好易心軟，可惜由開始已經勁似炮灰，哭撚左，我好鐘意佢同Junah既羈絆/張力，雖然係公事上既關係，兩邊會互相試探，但又會真心為對方著想，每次對話都好有內容，雖然從來冇講出口/直接表達過，但Fidelio對Junah既憧憬係超出左情愛既範疇，更加接近一種理想，我好鐘意佢地原Louis團3個既關係/演繹，從細佬角度有好多深讀。祭典果時既劇情對話好有感...另外佢比左好撚實用的金道具我，話隨便買但勁大方，多謝佢
観る「メタファー：リファンタジオ」Part6「南の島の生贄巫女」【ストーリー プレイ動画】【ネタバレあり...

講返巫女段劇情，終於接近世界既"真相"，當時我覺得我好似夢回5.0，不過佢唔係執著重現amaurot，而只係一個引入舊世界設定既concept...落到地底既音樂好正，少少懷念又有d現代感arrangement

主角一直一直都拎住本書，書裡面描述左一個烏托邦既國度，有公平，有自由，有理想，但係玩家眼中，佢咁嚮往既烏托邦其實就係我地生活緊既世界？諷刺既係睇落美好但我地生活緊就知哩個世界依然一團亂，同樣戰火不斷。

前面Strohl睇到既時候都好清醒知道再好既烏托邦都有避免唔到既問題，之後Fidelio都話，雖然寫既係烏托邦，假使真係有人住係裡面，可能都會反向嚮往我地哩邊既世界，如果只係尋求一個逃避既地方，係咩都改變唔到......CLS唔好再break our wall了diu...

於是巫女哩段dungeon真係好癲，係我地多數接觸到既作品中，魔法通常係一D古老既野，式微之後先有現今由科學主導既世界。但係哩隻GAME既設定裡面，因果係倒轉，人類首先有科學，"現代"毀滅後先再形成metaphor而家哩個魔法後世界，即使係魔法，都需要用魔導器去產生，個idea好有趣，同埋果刻我真實FEEL到玩哩隻game唔係要做時間管理大師，而係要做MP管理大師，我所有人都修晒盜賊去搵蝴蝶刷MP...地底仲有隻怪成隻冬貝利咁...cls

另外關於哩個三眼族群，佢好有心機design左阿哥既外型，好似好有特色咁，結果睇返全個島得呀哥咁著衫，阿妹都包到實一實，可唔可以用心少少

我果時覺得騎士成個左膠咁，Fidelio唔係主角團都比佢更尊重人地既文化，雖然成件事好扭曲，但佢地係心懷願望並且一直以作為巫女為榮，由心底覺得獻祭係件光榮既事，更加接受唔到咁樣以外既生存方式，如果一味否定其實好唔尊重(對人命既輕視係另一個層面啦)，不過巫女劇情最後都走返向正途，果時望到龍槍以為佢要做龍騎士了，結果係召喚，笑死，條龍又勁細條

之後再下章終於黎到戲玉，我地要去暗殺Louis了，果幕演出真係意料中精彩同有感，Louis流住血成個暗騎企勁撚型，可惜後面托唔起，同埋佢淨係識平A/無屬性AOE勁廢...

雖然佢講咩都得，大難不死既情況總會有，不過就兜得有D樣衰，同埋有D冇癮...姐係你希望佢有D伏筆比驚喜你，結果佢話冇，夾硬兜的，很SAD

Louis作為反派好正氣，前面酒會Strohl扮晒野拖時間質問佢既對答都寫得好好，但兄弟劇情終於比我地意識到我地追求既"平等"同佢解釋既"平等"既分岐，我曾經都係焦土派，支持實力至上主義，但咁既諗法其實好自私......如果因為人弱小就該死，咁樣人變強大去守護某樣野既意義又係邊呢...人唔應該係因為"有能力"而平等...

有能力先可以出人頭地既世界其實係唔平等的

観る「メタファー：リファンタジオ」Part7「血濡れた兄弟愛」【ストーリー プレイ動画】【ネタバレあり】...我果時先知被安排入隊既原來係細佬，至少Fidelio最後係為佢心入面既正義而死，雖然我同D信徒一樣萬念俱灰，但算了，佢做既野有人記得，果時個bgm真係入得好好

另外想講Basilio既立繪表情真係畫得勁靚，好過佢模組100倍，勁鐘意佢好開心既樣!

哩段劇情一路拋左好多思路出黎，由兄弟否定Louis，到聖女Rella既試煉，metaphor好真心地表達緊佢地認為理想、公正既世界、成為王到底係點樣既概念，都係我終於覺得哩隻game有料到既地方！人人都嚮往美好既國度，理想既生活平安喜樂，但只要人類有七情六慾，就一定會有破壞規則者、膽小懦弱者存在，亦唔係任何人都有能力變得強大去改變自己命運，大多數隨波逐流既人(包括我)都係弱者。嚮往Utopia，其實就係背棄緊自身既弱小

唔係大愛包容，而係卑劣就係人類性格下必然既產物，人要學習去改變/共存而唔係拋棄擁有咁樣特質既人，「不要將弱小和愚蠢視為惡行」、「無法戰鬥的人該怎麼辦？」

btw因為要做MP管理大師我買左99個藥草99個妖精之粉，總之戰鬥之外絕對唔會用MP回血，lmao

羽伊個人劇情又係成把箭插過黎，我唔知佢象徵緊咩，我淨係知佢咩都象徵到，「比起面對困難，接受現狀更聰明」只係一種自我安慰，哩隻game，真係好有野心去cover左好多野

再之後又發生左好多事，例如努力直接化為烏有，然後終於要去迎接王子，面對世界既真相了，我一直好期待會有新既化學反應，結果個outcome係一切如常，我個人比較可惜哩點，不過個presentation仲係做得幾好，除左同佢九唔搭八我試左個option直接比佢送左去bad end比較cls，原來大家覺醒Archetype既場景就係度，並且解釋左全個世界觀既設定，UI髮色都變左

不安會產生魔古拉，魔法就係心中既意念而產生既力量(即Archetype)，世上既恐化、源人、焦躁既情緒就係因為沉積過多魔古拉而形成，我覺得佢解釋得都幾完整。

再之後就係重新爬起準備決戰，多野做到癡線，勁撚多羈絆要跑，又有好多龍要打，做晒D委托我休息左幾日先再開，哩個時候會反思自己玩得太少PVE類型遊戲，好多思路都忽略左，習慣用正攻法去打，後來先發現配到好投機speedrun最實際。另外要投訴搵技好唔方便，成日搵唔到招技係邊隻職度要逐隻開黎睇(最後都係睇過龍搵唔到..)，打"禁忌"既時候直情覺得好折磨決定休息，所以尋晚先衝到爆機

另一個投訴位係好睇唔慣D冇數值既形容，成日都話加，但又唔知加幾多，直到有次冇野做比個加威力飯strohl食，本來打6000直接打左20000出黎，我真係WTF，之後我都只用strohl做主力跑單人BOSS，用舞者堆威力同用龍騎兵堆弱點，

後面內容雖然集中係決戰，但我覺得係再深化左個主題，總之佢係焦土派啦，我冇自己睇法所以cap圖算

雖然佢冇講錯，但咁偏激既世界係冇可能的，人類回歸於自身本能只會係地獄

我覺得好難言，再後面好難集中做一個諗法(rofl，例如魔法之源係願望，其實就係由想改變既意念化作既動力，要擁有理想、相信可以改變，先可以堅持、理解複雜既事物、慢慢去改變並開拓未來，

咁樣講好大路，人人都識講，但事實上世界的確係需要有足夠樂觀既能力者負重前行，真係要主角咁無理由堅持同振作先做到，我做玩果個都唔忍心(佢冇比我揀NO既option!)。

而無法面對不安，無法信任任何人既人，只描繪得出同世界訣別既未來，其實咁既人放棄左一切先係真正既膽小鬼，Louis自身就係佢自己一直否定緊既弱者。

上面我睇住截圖好辛苦總結的, 講得比較空泛

之後就真係哩隻game既PEAK了。観る「メタファー：リファンタジオ」Part10 END「最終決戦」【ストーリー プレイ動画】【ネタバレあ...跟據More所講，其實我地經歷緊既一切都係幻想，我地一直透過文字嚮往既Utopia...先係真正既現實，然後我地，就返左去...Shibuya了......，冇危險既魔法、冇地獄般既景象、人人生而平等既世界...「現實」。

只要承認一切都係幻想，就可以成為現實既住民。哩個時候真係好想屌柒D動畫作畫，立繪、模組、動畫加埋3個樣想問下點解大家今時今日仲接受到，真係好鬼死出戲

我覺得哩度對話引導得好好，因為我都覺得另一邊既"幻想"真係太辛苦，佢講得好岩，成王之路真係好辛苦，係果個世界，我地既努力被輕易否定，正義感係得唔到回報，"現實"有咩唔好？但我既伙伴、我未完成既任務都令我唔想止步係度

ここは…理想郷じゃない

其實好妙，哩個回答真係好雙關，作為主角當然質疑哩個陌生既地方係咪理想郷，作為player我更加清楚，咁既地方絕對冇可能係理想鄉(笑)，大家每章都會討論既故事內容，到哩part終於做出左總結，

いつからか感じていた。
小説に描かれていたのは、 本当に『理想』なのだろうか……?

中文好少搵到人做playthrough，所以直接抄日文sorry，哩個世界真係會有理想鄉嗎？哩個位起埋歌真係好正，仲呼應埋全game最開始既地方，嗚

好特別就係哩個位幻想同現實既分界模糊不清，兩邊又互相投射，主角自身講既出口既諗法，其實同樣可以係player既諗法，我地既旅程、同伴都唔係只係"幻想"，佢唔係某character break the 4th wall，而係player跨過左哩個wall Lol，有少少暗示你去認同哩個遊戲經歷係真實既感受，而唔係流於"幻想"咁玩完就唔記得既content

到最後都係打埋最終決戰就完，但我認為佢要傳達既野已經傳達到了，打完王個Ending跑左個幾鐘，都證明要改變哩個世界唔係一朝一夕既事，之後既路仲有好長

哩隻GAME根本正確到無可挑剔...係真正既正確，用咁既方式否定現世、否定對理想鄉既幻想並提出一個真正行之有效既心態同價值觀，即使好多人都明白咁樣會好辛苦，但主角都義無反顧咁做緊哩件事，而敢咁樣寫出世界全貌既dev真係好癲，想傳達想象既力量比所有player，好尊敬佢地真係做出左咁既作品咁既高度，好多game會用一種隱喻既方式去講少少，但佢地今次主題直白到根本係明喻，CLS，好有膽，明明係幻想背景，但內核直接到比以"現實"為題Persona更加「現實」。

唔好意思，用左哩個名
哩個係佢地本意既真心說話：如果我地既作品可以比到動力你就好了，嗚

上面咁多野寫左我一日去整理，都仲未好完整。我會諗起Living memory既故事，好depends玩家自身既經歷，有感受過類似經歷既人會好易共感，而對部份人黎講佢地會完全冇感覺，我認為metaphor都係一樣的...好開心唔係流於表面既家家酒，講真寫咁樣既主題係好難好難，但佢地成功圓滿到整個故事，真心respect，哩個故事值得更多既budget去做

不過我嫌dungeon真係太長，希望可以縮到7成左右，自己都冇興趣做收集二周目之類，一周目盡做左，如果之後出完全版我可能會留意下有咩update內容，好耐冇打咁多字，自己都笑左，仲有D位其實都懶得講，羽伊真係好QQ，完！

!!!諗起仲有一樣野唔屌唔得，哩隻GAME好撚鐘意用白屏做轉場，每次開箱、合成、出技之類，只要知道D白光黎緊，我都會直接另頭唔睇，佢殘眼到合埋眼都覺得光，真係好癲
打到後面我一望到出技effect就開始唔望，但又好想知打左幾多......要係數字消失前望打幾多，所以都係要另返轉頭望住個白屏，fuq

之前睇個V玩到現實果段既形容: 咁樣回答佢顯得自己好似個逃避現實的膽小鬼一樣, 同埋會直接對現實講哩度唔係理想鄉既game真係好sugoi