講返而家暫住嘅地方
呢度有廚房，我媽都可以正常煮飯，只係呢度冇爐頭，只能用電磁爐，我媽都好唔慣，但至少簡單煮食都做到，唔洗餐餐出街食
瞓覺方面，我哋係兩張單人床褥鋪地放一間房，3個人一齊瞓，我同我爸係易瞓著體質完全冇問題，反而我媽要啲時間適應，不過最近佢都話瞓到覺
另外2間房就放滿嘢
廳放枱同電視，我係電視精所以電視真係好重要
平時就係正常返工放工，都冇咩特別問題
希望呢幾個月裝修順利！

已經好好，當初我搬的時候撞正升中6個暑假
仲要老豆度縮無正常租房住，係阿麻度5個人屈一間房
無得煮食和沖涼（所以一出門就出去成日搵地方閒）
又唔係搵正式裝修去整
叫阿叔阿伯閒暇整
結果無話有咩特色裝修，只是拆除舊的牆身磚之類，重鋪過和整電線上網線咁，本身仲話開學前可以入住
結果快9月尾先入住到，但仲有手尾未做完
諗返都一肚火
btw
起碼你們整裝完都好的！！

Cy0u: 你都好唔容易
我個情況係因為講好咗我負責出埋錢租地方住，如果要寄人籬下真係搞唔掂呀

apple_chibi: 真的，有點錢不能省！！
我依家間房牆轉角都崩崩地嫁
不過無搞咋，唔想搵阿叔來
（本身都唔喜歡見到佢哋 ）

Cy0u: 你嗰單真心癲，搵熟人搞真係最麻煩

apple_chibi: 有苦難言，又唔可以插，出面公司整都仲可以據理力爭下，因為親戚整無得出聲仲要硬食晒

Cy0u: 我都係有親戚做呢行
我爸話屋企要裝修呢單嘢喺親戚嗰邊一定唔可以講出去，連對阿嫲都唔講得，費時俾人知我哋搵出面公司做

apple_chibi: 你老豆看得好清，真的！！！
搵親戚做通常只有做水魚的體驗……
我好記得我之後問返佢哋收幾錢那些，我媽係話同出面搵公司整差不多（搵公司整工期是準時一定會9月俾到樓，起碼唔得到時可以叫佢扣返錢照做之類先），仲要包埋餐（至少午餐下午茶都包埋先 ）
入伙酒都唔知點解食左2次都是我們俾錢添

Cy0u: 包埋餐

apple_chibi: 對 聽到都嚇窒左……
如果唔係那年裝修我仲係學生，我都寧願俾錢人整唔會搵親戚

Cy0u:

apple_chibi: 好彩你屋企人精啊！期待你們裝修完更舒適

Cy0u: 一定唔會更舒適喇，做返個露台，房同廳都會細好多🤦🏻‍♀️🤦🏻‍♀️🤦🏻‍♀️

apple_chibi: 喔～原來如此，但可能空間好用左
無問題既

Cy0u: 要努力啲做好收納

apple_chibi: 對啊！收納好重要，我就是老豆無規劃好，好多野都收納唔到

Cy0u: 仲有就係斷捨離
要再掉多啲嘢

apple_chibi: 都是，我之前都丟了不少，不過還是很多少東西丟不了了

Cy0u: 裝修完先再大執一次
諗起就煩

apple_chibi: 我都係，執極都執唔完🥲

Cy0u: 執嘢係一生嘅課題。

apple_chibi: 真的，雖然偶爾衝動消費，但我買的野已經算少，但位置依然很不足夠

Cy0u: 人越大儲嘅嘢就越來越多😂

apple_chibi: 話雖如此但也丟了很多
不過有部份野會keep住唔想丟唔願丟，應該都算是報復式消費來，細個老豆唔會買又唔俾買更加無錢買。大個左就自己搵錢買返d童年返來咁

Cy0u: 我明，我有時都會咁

apple_chibi: 不過好彩都叫大個左，唔係真是下下見到就會9衝去買，唔係真是無位外仲要俾人鬧

Cy0u: 你係個理性嘅大人👍🏻

apple_chibi: 要為自己的行為負責才是個好的收藏家

Cy0u: 講得好聽事實係自己作孽自己受

apple_chibi: 係啊！認命，所以唯有得閒就執下屋喇

Cy0u: 大家加油呀

apple_chibi: 但依然要繼續買

Cy0u: 執咗嘢有位就可以繼續買👍🏻

apple_chibi: 對啊！搵錢就是要花下，唔花對唔住辛苦返工的自己