九月好！今日要開始執篋了
所以嚟個感性嘅開始
啱啱沖咖啡飲（執着）
突然間見到某理科朋友送嘅即溶咖啡生日禮物
（仲有一罐核桃 我仲未食
好好笑係咪？
但係佢話嗰樽咖啡粉係精挑細選最少防腐劑
哈哈哈雖然真係好好笑 但係見到莫名有啲感動添
（眼淺的人類 離別moment總是特別感性 定係就嚟嚟M？）
感覺我身邊嘅朋友都是很善良很單純冇目的地同我做朋友嘅人
諗到呢度覺得有佢哋真係太好了 我希望我哋都可以保持善良 一齊繼續玩到老

九月安
一入嚟就見到啲咁感性嘅文...想整喊邊個
我都要同你長長久久 （m9

miohoshi: hello bro
就走梗係要emo下 我地要幾廿年後都一齊出嚟食飯

SaturnWolf: 唔止幾廿年啦！每次返嚟都要約

miohoshi: musttttttttttt
等我返嚟一齊推し活！想去靚靚Cafe

MCF Day2 之唔咁話自己係cos > <
就當我着咗信一啲衫出街玩
圖一二係我阿媽幫我影 然後佢動作指導叫我黑社會少少
本身攞住本紅黑簿本身係勁撚做廣告（會計妹廣告
跟住我阿媽叫我惡啲扮打人收租
圖三自己影又變返龍捲風第一fans
話說MCF見到三位cos漫畫版嘅 雖然唔太想識
但城寨人澳門真係太少了都係打打卡
跟住仲見到香港大大嚟擺攤！即刻all in！

Btw大大之前有開通販但係我冇買到
主要係因為驚送唔切
但估唔到佢竟然過咗嚟澳門！！本身諗住買少少
結果見到都係決定唔諗啦我要晒
佢話我係唯一一個成set買
見到我即刻九秒九衝返嚟同我傾偈
佢都係推龍哥！！然後我哋兩個就好激動咁吹咗陣水
（本身諗住拎張白古Yes Card俾佢睇 但係我個袋太多嘢）
大大遲啲會出本添！！期待哦！！

SaturnWolf: mark低咗好多都未去 等你呀！！不如聖誕返嚟一轉

要喊了 零零些些龍哥張方卡失蹤左...

上次又係跌佢張卡... 我真係sad了...
龍哥唔好唔要我好冇

miohoshi: 冇錢錢...
Gathering p我上去

SaturnWolf: SaturnWolf: 到時picnic p返你上去 開始學習下先

miohoshi: 好

仲未放嘢食（其實未買齊🥲
但個篋好似已經執滿了...
晏啲再打返琴日啲追星嘢
睇吓！！係撒隆巴斯！！

好唔開心我未買俾你
期待你喺呢度share多啲英國嘢（？

miohoshi: 呀呀呀見到你comment又掛住你地了

英國時間5:11 早晨
琴日見到大家去峯演唱會
見到古生叫自己做daddy
見到可愛四子
我已經係英國嗚嗚嗚

SaturnWolf: 我都..... 我日日可以online陪你（什

第二程機的遠行&偷睇人哋iPad見到靚靚古生
同埋終於睇咗白日之下！

miohoshi: 好 多啲搵我傾計嗚嗚嗚

我琴日

My last day in Macau and wt I ate

突發追event～去幾個鐘就係為咗嗰幾秒
想講都幾kick 佢本身話係公開event結果變咗private
仲要有板封到實一實 啲保安又煩又多大陸人睇熱鬧
（不過本身冇諗過自己趕到 所以有冇話好失望咁
（今次追得幾平常心 就係有啲lost唔知咩事咁
但都算成功的！！比我（部電話）見到古生！！

為咗遲啲睇城寨搞咗vpn試用
雖然乜都未執好但係戲都係要睇hehehehe
琴晚睇完好早就瞓着了！好似叫飛龍在天？
然後今朝起身發現原來我床下底係有儲物空間
因為起身成部電話唔見咗 原來跌咗落去sldpk
應該都係有jetlag 琴日未到11點就瞓着
今朝四點半自然醒咗

新flat開爐第一餐！！
係用澳門攞返去嘅咖喱油炒嘅公仔麵
（主要係我啲油鹽糖放咗喺人哋度仲未攞得返
（所以攞咖喱油炒
好食！但真係好辣 xd
話說新房有盞枱燈 仲要係最愛嘅黃光
唔使另外買真開心！！攞嚟影嘢食仲好正！
我諗嚟緊應該都係鋪啲好師奶嘅嘢

琴日行街買餸見到好標準嘅蘑菇 好可愛

返到嚟完全就係師奶日常...
毫無激情（？（同埋未開學冇乜嘢做
前幾日喺中超門口見到城城
久違嘅興奮
直接無視啲鬼佬同埋留學生嘅眼神
點都打吓卡先

食咗咩系列
Gyros真係又好食又夠飽！！

前幾日返到嚟第二三日就約咗友友食飯
順便俾咗啲手信佢～
跟住拎古生出嚟打卡嘅時候佢喺度玩meme
直接講咗句：哎呀，老公得先吃
我：欵？！？！不是啦不是啦 他不是最大的老公
然後實在形容唔到我就話我係皇上呢個係我嘅妃子
真係笑死
話說仲未習慣返英國物價 已經好掛住澳門啲嘢食了

印象友友唔係追星族嚟？唔怕話呢樣戈樣 好好呀

miohoshi: 佢追kpop的!!! 但佢唔多會拎野出嚟打卡
不過嗚嗚嗚我都好感動佢肯睇我癲
仲話要幫我同佢哋影相（喊了人超好

SaturnWolf: 好好啊 我都想認識啲nice...喺澳大個個都好黑暗(?

miohoshi: 一定會識到嘅
見到同好就過去勾搭吓(x

SaturnWolf: 有見到但現實中我做不到 (網絡ok)
同埋又唔知個人點.....成日散發住生人勿近嘅氣場ww

miohoshi: 生人勿近hahahahaha我get
尤其係返學個樣頹到傻咗 真係識唔到人

我...今日...終於肯打埋銀白王國劇情... 嗚嗚
同埋終於過到三星關攞到傳說脆餅
戰鬥力終於突破樽頸位

2024.09.14 📍Newhaven, Edinburgh
終於去咗想去好耐嘅燈塔
同埋買到傳說中好食嘅Fish &Chips
（然後發現呢樣食物嘅好食上限幾低
（aka 即係其實幾好食佢都係咁嘅味

話說影到有種荒無人煙嘅感覺（的確
好鍾意 好似逃離到冇人嘅地方咁 好平靜

不是？！？！陳洛軍你而家咁威水去train新人啊？
信一鴨店又請新人了

又話要早瞓
結果凌晨00:45 我又喺度睇cp
Cls太過分了仲要用愛在記憶中找你
盤兒就係因為師傅話所以做咗大王
然後又俾師傅話盤兒已經死咗跟住拋棄佢返番現代
真係勁慘慘 配埋如果可以恨你全力痛恨你
嗚哇
我真係好想尖叫好想發癲 好想開個live同全世界講幾正

死人項少龍！！明明你自己叫佢去做大王
黑化都係因為你！但係黑化完仲會聽你話！！
你轉個頭就話佢變咗已經唔係以前嘅盤兒！
你知唔知佢幾慘幾陰公豬！

盤龍我最鍾意呢幕！
反貪風暴4 aka P風暴嘅陸曹都好正！
之前有幸TVB重播有睇！
B站啲人用呢剪古峯好正！！
黑化峯真係J
真係估唔到大個咗都一樣J林峯
Btw現實中古生應該都當峯係天下一頭馬
嗚 佢哋cb向太好jap了

真係！好！想！返！8/90年代！睇！吓！！
呀！！！！
之前睇到老高有條片 佢話如果穿越
只可以穿越去自己嗰個時空
跟住要靠有關係嘅人穿越 關係越好牽絆越深成功機率越大
真係有呢個技術嘅話 我一定叫我阿媽同我去
然後靠佢穿越返嗰個年代瘋狂追星
（之前睇到條片 啲人送花俾郭富城 仲可以錫佢塊面一啖
（仲要係嗰個年代嘅習慣 上台送花都會預咗你錫佢
我：
（雖然我一定會唔夠膽 但係都好想返去體驗吓！！

（即係體驗吓見到張國榮啊梁朝偉梅艷芳四大天王Beyond白色嘅古天樂張曼玉等等
（唔係話要體驗吓錫佢哋一啖

冇自己嘅時空* 太眼瞓了係咁打錯字

好想印周邊...諗緊要唔要印襟章但係有啲無謂咁
同埋諗緊要印軟綿綿嗰啲 定係印彩蔥/鐳射
其實最想係當杯墊 但係唔知有冇得淨係整一個
Procreate用成IG我都真係幾勁
其實嗰堆neon thingy純粹係唔知畫咩求其畫
好我嘅style

SaturnWolf: 但我之前識到個凛月推 由第一堂開始見到佢個痛袋-兩張塔證...我:????我真的可以認識嗎-- 一直都唔敢勾搭，只敢偷看(?
去到考final戈日 多謝ceci牽線(?) 終於講到一句嘢 (但都冇加contact
突然就有日麻煩ceci sd佢個contact俾我到底有多厚臉皮 然後就認識了

miohoshi: 塔證？？？嗯？？？仲要兩張？？？
你見到嘅係痛袋我見到嘅係層樓（x
真係有必要識下
（偷睇呢個真係好內向人日常hahahahahah

太萌了謙Philip
九信或成最大贏家
真係好想返去睇 好想去追event

SaturnWolf: 搵佢嚟養我（什 我見佢凛月生日好似砌咗大壇??? 到時一齊欣賞下wwww

miohoshi: 好

哈哈... 新flat 已經打破咗英國冇蟲嘅呢件事
（上年真係住得太爽了係咪
搬咗入嚟一個星期多啲 已經打咗好幾隻
拜託我喺澳門喺一個連蚊都唔會打得死嘅人
果然人一旦要靠自己就會有勇氣
仲有我對飛機拖鞋真係一個好好嘅武器

我宿舍琴晚都有幾隻蟲 唔講以為蟲蟲特攻隊
塊牆出現咗隻蚊拍唔死..... 然後再出現隻蜘蛛??
前幾日先出現完一隻果蠅 我唔想同蟲蟲生活

miohoshi: oh no bro...bless u for real
我真係會發癲 仲要拍唔死係咩事...
你間房啲蟲蟲種類真係多
想講琴日我喺廚房都見到隻飛蟻
想拍死佢然後佢飛咗入鋅盤 最恐怖係放水佢都未死仲要掙扎
然後最後都係要我攞紙夾硬整死
我覺得自己冇大叫已經好勁
（btw想問好耐究竟點打strike through

今日返學校有好多freshers event!
仲有plant sale!!!! 買咗呢個qq仔返嚟
仲買咗個紫色嘅桶俾佢
遲吓諗吓要唔要幫佢改名

好似揸住杯雪糕

SaturnWolf: 你進化做超級Strong woman啦

miohoshi: 我相信返到澳門就會退化
蟲蟲一世的痛

真的西八 究竟幾時先可以停止鞭屍話我哋而家租嗰度貴
今日幫新加坡朋友搬佢張枱去佢house
幾近學校的居民樓and very British house
跟住嗰個香港frd又屌 ：唉呀I told u早知唔同你住啦
：又唔係平又唔係新淨and not so clean
哈哈比著上一年嘅我一定會辯解
今年直接唔忍 直接講咗句：你搬啦咁 I don’t mind
（仲驚新加坡朋友聽唔明補咗句英文ya just move out then
SLDPK我已經on the next level
真心明明係你自己死都要跟又要嘈 on9
成日喺度怨三怨四都唔知想點 西八 其實又或者佢淨係想put me in the下把位

琴晚寫的！嗰粒龍哥係完美！（自己講
都係有少少唔想返學

留學生：行行吓街買張£15嘅枱搬返house

你哋真係好勁
呀——— 港產片世一
let the world see us again
好感動唔知點講

凌晨2:37飲咗酒但係清醒
feel到自己小小攰狀態 又未去到可以瞓得好淰
但係我覺得可以再醉啲？不過唔係好想再飲

新水壺！！仲咁啱同我某件衫同色
當然要痴返個嵐姐嘅見字飲水

今日識咗新朋友（讚我
然後一齊去job fair
然後途中一齊俾雪糕車Distract
雖然但是我講嘢真係好似人機 ))))

前幾日行書局見到
即刻個腦有聲 頭搖又尾擺飄移境界！！

凌晨三點了 我仲未吹頭 聽講聽日10點堂

我真係好想見古天樂 講完

Kelvingrove park係一個好地方
嗰啲咩20分鐘公園效應
完全喺呢邊體驗到
呼吸然後聞到嗰種草香味 真係成個人好平靜
加埋啲樹葉踩上去勁脆
然後有好多雀仔 有時仲會見到松鼠
真係好開心的

而家等佢哋11月過嚟探我拎晒我啲龍哥過嚟
好快見好快見

食公仔麵都要有儀式感

件melody娃衣好L可愛

miohoshi: 仲要啲毛超好摸！！ 軟腍腍

普通人：士多啤梨Yogurt
我：祖占！！呢個係祖占！！！！甜甜的awwww