最撚憎人楂車呀支呀左
無人想同你講野呀手

話你知行邊
又話google識行
咁你咪跟導航囉

又話係咪依度（加多利山）係咪轉到上拔萃
勁驚佢真係轉左上去
即叫停佢直行

我話轉唔到
上左去要兜好大個圈先落返黎
佢仲死拗話可以

心諗我返左幾多年工
由細到大黎左幾多次
會唔熟過你？

然後仲話
落返山咁點解你唔行返工？
行都行到上去架？

？？？
真係火都黎
撳住咗度火：我唔趕時間就唔搭的士啦大哥

仲話：唔係丫，行到上去架。唔係好耐姐。

：係行到呀，但好熱嘛。你日日返工就知幾熱幾辛苦。同埋我真係趕時間。

再繼續：咪當做運動囉

我頂唔緊
你係咪覺得自己好風趣幽默
： 你真係識講笑呀哈。咁勁去左參加馬拉松啦大佬😀

極度懷疑係咪以為我唔識路

最後一路上拔萃條路
一路話
又真係好斜好長wor條路
又話加多利山應該整條樓梯落黎
（？？？？

趕時間仲咁多嗲真係會好燥

DC狗真係好煩膠
有次我又係好趕時間搭的士
同作講點行
作自己又自把自為行左另一條勁塞既路
係咁講無謂野，仲單手揸車
勁燥

又係仆街DC9

kmairkean: apple_chibi: 真係唔講唔燥，佢愈講野愈燥

bakayuki: 單手咁危險？？？！

20_LinG: 係，佢另一隻手拎電話講緊
我勁驚佢撞