//
坐早起七點的區間車 我𤆬你來去海岸
聽你講最近的生活，無啥物無仝
一天閣過一天 你敢會孤單？

你的眼神藏著彼場踅神夢 你敢會孤單？
鐵支路邊 日頭照甲光映映

浮浮沈沈的人生 像電影搬袂煞
一冬夢過一冬
我看見 ～點點滴滴的記持
是甜蜜抑是痛苦的味 攏流對大海去

蹛佇大海邊仔的阮，
從來著毋是一个人，
蹛佇大海邊仔的咱，
早著已經慣勢 共悲傷藏起來。

坐早起七點的區間車 你敢會孤單？
你的眼神藏著彼場踅神夢 你敢會孤單？

//