想講搬新屋時已經畫定位要放洗碗機
叫做家庭和諧號真係無錯，有咗佢真係輕鬆好多
雖然未至於洗衣機咁重要，但多油膩碟或者最凍果幾日，真係好幫到手

我朋友賣緊😂 幫手推廣下。

好奇要唔要分幾轉洗

兩個人分量真心自己洗快好多啦....都係十分鐘攪掂。
有左佢買碟買餐具都要睇係咪入得洗碗機太麻煩

panpanman: 睇你果晚整乜餸啦
如果只係普通二人至三人晚餐用嘅容器，再加埋備菜時嘅碗，通常一機剛剛好
但如果多碗少碟，有可能要兩機，因為呢部比較細，多碗會易爆

我覺得放入去前沖水，手都濕左不如洗埋佢

panpanman: 開頭學習點擺碗碟都超過10分鐘，無錯手洗有可能仲快
但練習得多就2-3分鐘擺完，再加埋自己駁咗來去水喉，唔駛處理出入水，就快過手洗
如果真係計時間，2人家庭的話係慳唔到好多
不過中式菜有時好多油，洗碗機用熱水不斷噴，出來咄手立立令果吓，係好治癒，手洗一定做唔到

所以我都唔係日日用，如果咁啱果餐多碟/碟上多油就開，或者儲夠兩餐先開
否則就普通手洗算

有油我就咁熱水洗
又或用廚房紙吸一吸先ja

panpanman: 呢個方法都OK嘅

多油一律開熱水解決, 隔住手套開到過 40度也沒問題
廚房空間有限擺唔到咁多野 好想擺部意式咖啡機但無位

nanopo: 如果廚房有熱水當然好，但唔係個個家庭都得(我舊屋就無)
香港廚房真係太細，放多樣電器都好勉強，見台灣果啲大到想放乜都得，好羨慕

panpanman: 自己洗仲快