[生活智慧王之香港篇] 場景：在醫院電梯裡遇到突然跑進來的港警怎麼辦？（在建制派要搞禁蒙面法的此刻覺得實用。）

YC Senmil
講個笑話比大家聽

話說琴日去醫院探病，

咁呢，要搭𨋢上樓嫁嘛。架𨋢本身得3個人：我，醫院姐姐，同埋訓響病床好精神嘅伯伯。
準備閂門之際，有4個PoPo沖入黎。（我心裡面屌左出黎，要同佢地身處於同一空間比死更難受。）

𨋢門閂埋，笑話黎喇。呀伯無啦啦除低口罩，舉高手指數左1，2，3，4......然後佢講左句「唉，肺癆好辛苦」，之後響架𨋢入面不停咁咳。本來要去6樓嘅無口罩PoPo4人急速於3樓出𨋢。

故事未完....PoPo出左𨋢後。呀伯嘅咳都停左，仲好精神咁講左句「舒服曬」。然後，姐姐就講，肺咩野癆呀，你睇骨科呀。